Bakıda Neft Emalı Zavodunda yanğın baş verib - FHN məlumat yaydı
Bakıda Neft Emalı Zavodunda yanğın baş verib - FHN məlumat yaydı
Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Nizami rayonunda yerləşən Neft Emalı Zavodunun ərazisində yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri hadisə yerinə cəlb edilib.
Hazırda yanğınsöndürmə briqadaları tərəfindən alovun qarşısının alınması və yanğının söndürülməsi istiqamətində təxirəsalınmaz tədbirlər intensiv şəkildə davam etdirilir.
Hadisənin miqyası və təfərrüatları barədə əlavə məlumat veriləcək.
