Azərbaycan Milli Xalça Muzeyində "Bir mədəniyyət xəzinəsi: Divanü lüğat-it-türk" adlı sərgi açılıb
Azərbaycan Milli Xalça Muzeyində "Bir mədəniyyət xəzinəsi: Divanü lüğat-it-türk" adlı sərgi açılıb
Azərbaycan Milli Xalça Muzeyində türk dünyasının ən böyük ədəbi və dilçilik abidələrindən biri olan Mahmud Kaşğarinin "Divanü lüğat-it-türk" əsərinə həsr olunmuş yeni sərgi ziyarətçilərin istifadəsinə verilib.
"Bir mədəniyyət xəzinəsi: Divanü lüğat-it-türk" adlanan sərgi, türk dilinin qədimliyini, zənginliyini və mədəniyyətimizin çoxəsrlik köklərini nümayiş etdirmək məqsədi daşıyır. Sərgidə əsərin müxtəlif dövrlərə aid əlyazma nüsxələri, eləcə də sözlükdə təsvir olunan həyat tərzini, məişəti və adət-ənənələri əks etdirən sənət nümunələri təqdim olunur.
Muzeydən verilən məlumata görə, sərgi ziyarətçilərə XI əsr türk dünyasının mənəvi aləminə və dil xəzinəsinə yaxından bələd olmaq üçün geniş imkanlar yaradır.
Sərgi müddətində muzeydə mövzu ilə bağlı mühazirələr və elmi müzakirələrin keçirilməsi də nəzərdə tutulub. Tarix və mədəniyyətə maraq göstərən hər kəsi bu unikal sərgi ilə tanış olmağa dəvət edirik.
