İqtisadiyyat Nazirliyi: Sahibkarlara göstərilən xidmətlərin əksəriyyəti elektronlaşdırılıb
Yüksək müraciət sayı: 2026-cı ilin yanvar-iyun aylarında İqtisadiyyat Nazirliyinin xidmətlərinə 13 milyondan artıq müraciət daxil olub.
Elektronlaşdırma səviyyəsi: Müraciətlərin 92,2%-i elektron qaydada həyata keçirilib.
Ümumi xidmətlər: Vətəndaşlara və sahibkarlara ümumilikdə 289 xidmət göstərilir ki, bunların da 181-i (62,6%) tam elektronlaşdırılıb.
Xidmətlərə necə müraciət etmək olar?
Sahibkarlar və vətəndaşlar rəsmi onlayn platformalar vasitəsilə zəruri iqtisadi və hüquqi informasiya ala, həmçinin biznes fəaliyyəti ilə bağlı sənədlər üçün müraciət edə bilərlər. Elektron müraciətlər üçün istifadə olunan əsas ünvanlar:
www.economy.gov.az
www.lisenziya.gov.az
Nazirliyin strukturuna daxil olan və tabeliyindəki qurumların rəsmi internet səhifələri.
Qeyd: Sahibkarlara lisenziyaların verilməsi xidməti tam elektronlaşdırılıb. Biznes nümayəndələri müvafiq fəaliyyət növləri üzrə lisenziya almaq üçün “Lisenziyalar və İcazələr” portalı vasitəsilə müraciət edə bilərlər. Eyni zamanda, lisenziya müraciətləri müvafiq “ASAN xidmət” mərkəzləri və KOB evləri vasitəsilə də qəbul olunur.
“Elektron Xidmətlər Portalı”nın üstünlükləri
İqtisadiyyat Nazirliyinin “Elektron Xidmətlər Portalı” vahid pəncərə prinsipi ilə fəaliyyət göstərir. Portal istifadəçilərə aşağıdakı imkanları yaradır:
Elektron kabinet vasitəsilə Nazirliyin strukturuna daxil olan və tabeliyindəki qurumların xidmətlərindən yararlanmaq;
Müraciət edilən xidmətin icra prosesini real vaxt rejimində izləmək;
Xidmətdən istifadə barədə öz rəy və qiymətləndirmələrini bildirmək.
Dövlət xidmətlərinin səmərəliliyinin və vətəndaş/sahibkar məmnunluğunun artırılması məqsədilə xidmətlərin elektronlaşdırılması, informasiya sistemləri arasında məlumat mübadiləsinin avtomatlaşdırılması, innovativ həllərin tətbiqi və prosedurların optimallaşdırılması istiqamətində işlər ardıcıl olaraq davam etdirilir.
