İrandan gözlənilən cavab: ABŞ-ın Küveytdəki bazaları və hərbi gəmisi hədəf alındı
İrandan gözlənilən cavab: ABŞ-ın Küveytdəki bazaları və hərbi gəmisi hədəf alındı
İran Silahlı Qüvvələri ABŞ-ın regiondakı hərbi fəallığına cavab olaraq genişmiqyaslı əməliyyat keçirdiyini bəyan edib. Rəsmi Tehran Küveytdə yerləşən Amerika hərbi obyektlərinə və bir hərbi gəmiyə PUA və qanadlı raketlərlə zərbələr endirildiyini açıqlayıb.
“Tasnim” agentliyinə istinadən xəbər verilir ki, İran ordusunun mətbuat xidmətinin yaydığı rəsmi bəyanatda hücumun detalları açıqlanıb. Məlumata görə, kamikadze dronlar vasitəsilə Küveytdəki ABŞ hərbi bazalarında yerləşən aşağıdakı obyektlərə ciddi ziyan vurulub:
Rabitə sistemləri;
Yanacaq çənləri;
"Patriot" hava hücumundan müdafiə kompleksləri;
Müşahidə qüllələri;
Silah-sursat anbarları.
Tehran rəsmiləri bu addımın ABŞ-ın İranın hərbi mövqelərinə endirdiyi son raket zərbələrinə cavab olduğunu vurğulayıb. Bəyanatda, həmçinin İran Hərbi Dəniz Qüvvələrinin dənizdəki Amerika hərbi gəmisinə qanadlı raketlərlə uğurlu hücum təşkil etdiyi bildirilib.
Hazırda ABŞ Müdafiə Nazirliyi (Pentaqon) və Küveyt rəsmiləri tərəfindən məsələ ilə bağlı hələlik rəsmi açıqlama verilməyib. Regionda gərginlik yüksək həddə çatıb, hadisələrin inkişafı diqqətlə izlənilir.
