Serbiya Müdafiə Nazirliyinin nümayəndə heyəti ölkəmizdə səfərdə olub
Serbiya Müdafiə Nazirliyinin nümayəndə heyəti ölkəmizdə səfərdə olub
Azərbaycan və Serbiya respublikaları Müdafiə nazirlikləri arasında imzalanmış ikitərəfli hərbi əməkdaşlıq planına əsasən, həmin ölkənin Müdafiə Nazirliyinin nümayəndə heyəti ölkəmizə səfər edibMüdafiə Nazirliyindən AZƏRTAC-a verilən məlumata görə, Milli Müdafiə Universitetinin tabeliyində fəaliyyət göstərən Hərbi İdarəetmə İnstitutunda keçirilmiş görüş zamanı nümayəndə heyətinə 44 günlük Vətən müharibəsi zamanı qazanılan təcrübədən bəhs edən “Münaqişənin geosiyasi aspektləri” mövzusunda brifinq təqdim olunub. Sonra Azərbaycan Ordusunun hərbi təhsil sistemi və tədris prosesi barədə geniş məlumat verilib.
Görüşdə, həmçinin tərəflər hər iki ölkənin hərbi təhsil sistemi, təhsil müəssisələrinin fəaliyyətləri və bu sahədə tətbiq olunan müasir yanaşmalar barədə qabaqcıl təcrübələrdən danışıb, eləcə də qarşılıqlı maraq doğuran digər məsələlərlə bağlı ətraflı fikir mübadiləsi aparıblar.
