Gədəbəy Rayon İcra Hakimiyyətinə yeni başçı təyin edilib
Dövlət başçısının sərəncamı ilə Hacıbaba Adil oğlu Babayev Gədəbəy Rayon İcra Hakimiyyətinin başçısı təyin edilib.
Azərbaycanın zəngin təbiətə, qədim tarixə və strateji iqtisadi potensiala malik dağlıq bölgələrindən biri olan Gədəbəy rayonunda idarəçiliyin daha da gücləndirilməsi istiqamətində mühüm kadr addımı atılıb. Prezident İlham Əliyevin müvafiq sərəncamı ilə bu ali vəzifəyə təyin olunan Hacıbaba Adil oğlu Babayev rayonun qarşısında duran yeni inkişaf hədəflərinin həyata keçirilməsinə başlayır.
Dağlıq rayonlarımızdan olan Gədəbəyin iqtisadiyyatının, xüsusilə də kənd təsərrüfatı, turizm və yerli istehsal sahələrinin inkişaf etdirilməsi, eləcə də regionda yaşayan əhalinin sosial rifahının daha da yaxşılaşdırılması yeni rəhbərliyin əsas diqqət mərkəzində olacaq. Hacıbaba Babayev bu vəzifədə rayonun inkişafı üçün səylərini əsirgəməyəcək. Regionun malik olduğu təbii ehtiyatların və kənd təsərrüfatı imkanlarının səmərəli qiymətləndirilməsi, eləcə də əhalinin məşğulluq səviyyəsinin artırılması qarşıda duran əsas vəzifələrdəndir.
Hacıbaba Adil oğlu Babayevi Gədəbəy Rayon İcra Hakimiyyətinin başçısı təyin olunması münasibətilə səmimi-qəlbdən təbrik edirik! Ona Azərbaycan Respublikasının tərəqqisi naminə göstərdiyi etimadı doğrultmağı, Gədəbəy rayonunun sosial-iqtisadi inkişafı, turizm və kənd təsərrüfatı potensialının daha da artırılması, həmçinin sakinlərin rifah halının yüksəldilməsi yolunda məsul və şərəfli fəaliyyətində böyük nailiyyətlər arzulayırıq!
Fatma Təvəkgül qızı
