Bakıda 2 avtobusun yolu dəyişdirilir
Paytaxtın Biləcəri qəsəbəsinin Asəf Zeynallı küçəsində aparılacaq təmir işləri ilə əlaqədar olaraq nəqliyyat vasitələrinin hərəkətində məhdudiyyətlər tətbiq ediləcək və bəzi müntəzəm marşrut xətlərinin trayektoriyasında dəyişiklik olunacaq.
Azərbaycan Yerüstü Nəqliyyat Agentliyindən (AYNA) verilən məlumata görө, dəyişikliklər iyulun 30-dan etibarən təmir-bərpa işləri yekunlaşanadək qüvvədə olacaq.
Tətbiq edilən dəyişikliklərə əsasən:
202 nömrəli marşrut xəttinin son dayanacaq məntəqəsi Asəf Zeynallı küçəsində yerləşən 94 nömrəli transformator yarımstansiyasının yaxınlığına köçürüləcək.
92 nömrəli marşrut isə alternativ olaraq Asəf Zeynallı – Yurd Yeri – Maralan - Yaşar Sadıqov küçələri istiqaməti ilə hərəkət edəcək.
Sürücülərdən və sərnişinlərdən qeyd olunan dəyişiklikləri nəzərə almaları xahiş olunur.
