9 İyul – Azərbaycan Respublikası diplomatik xidmət orqanları əməkdaşlarının peşə bayramı günü
9 İyul – Azərbaycan Respublikası diplomatik xidmət orqanları əməkdaşlarının peşə bayramı günü
Bu gün Azərbaycanın diplomatik xidmət orqanları əməkdaşlarının peşə bayramıdır. Ölkəmizdə diplomatik xidmətin yaradılmasından 107 il ötür.
Azərbaycan Respublikası Prezidentinin 2007-ci il 24 avqust tarixli sərəncamına əsasən, hər il iyulun 9-u Azərbaycan Respublikasının diplomatik xidmət orqanları əməkdaşlarının peşə bayramı kimi qeyd olunur.
Tarixi köklər
Azərbaycan diplomatik xidmətinin tarixi Azərbaycan Xalq Cümhuriyyəti dövrünə gedib çıxır. 1919-cu il iyulun 9-da Azərbaycan Xalq Cümhuriyyəti Xarici İşlər Nazirliyinin strukturu və fəaliyyət qaydaları haqqında "Azərbaycan Respublikası Xarici İşlər Nazirliyinin orqanları haqqında" Əsasnamə təsdiq edilib. Məhz bu tarixi sənəd müasir Azərbaycan diplomatiyasının hüquqi və institusional əsaslarını qoyub.
Müasir dövrün çağırışları
Ümummilli lider Heydər Əliyevin diplomatik strategiyası və Azərbaycan Respublikasının Prezidenti İlham Əliyevin rəhbərliyi ilə Azərbaycan bu gün dünyada özünəməxsus yeri olan, qlobal proseslərə təsir göstərə bilən, müstəqil xarici siyasət yürüdən dövlətə çevrilib.
Hazırkı dövrdə Azərbaycan diplomatiyası qarşısında duran əsas vəzifələr sırasında milli maraqların beynəlxalq səviyyədə qorunması, regional təhlükəsizliyin təmin edilməsi və ölkəmizin mədəni-siyasi təbliğatının aparılması prioritet təşkil edir.
