Naxçıvanda III "Qərbi Azərbaycana qayıdış" konqres-festivalı keçirilir
Naxçıvanda III "Qərbi Azərbaycana qayıdış" konqres-festivalı keçirilir
Naxçıvan Muxtar Respublikasında mədəni-ictimai əhəmiyyətə malik III "Qərbi Azərbaycana qayıdış" konqres-festivalı öz işini davam etdirir.
Tədbir Qərbi Azərbaycanın tarixi, mədəni irsinin təbliği və soydaşlarımızın öz doğma yurdlarına qayıdış hüququnun beynəlxalq müstəvidə gündəmdə saxlanılması məqsədilə təşkil olunub. Konqres-festival çərçivəsində elmi sessiyalar, mədəniyyət nümayəndələrinin çıxışları və bölgənin tarixi həqiqətlərini əks etdirən sərgi və tamaşalar təqdim edilir.
Festivalın əsas missiyası Qərbi Azərbaycanla bağlı reallıqların həm yerli, həm də dünya ictimaiyyətinə çatdırılması, eləcə də tarixi ədalətin bərpası istiqamətində mədəni-diplomatik platforma yaratmaqdır. İştirakçılar Qərbi Azərbaycanın tarixi irsinin qorunması və gələcək nəsillərə çatdırılması üçün birgə fəaliyyətin vacibliyini vurğulayırlar.
