Bakıda şiddətli külək nəticəsində 41 ağac sınıb
Bakıda şiddətli külək nəticəsində 41 ağac sınıb
Bakıda güclü külək fəsadlar törətdi: 100-dən çox ağac və budaq zərər gördü
Paytaxtda dünəndən etibarən müşahidə olunan şiddətli külək şəhər təsərrüfatına ciddi ziyan vurub. Küləyin gücü nəticəsində şəhərin müxtəlif ərazilərində ağaclar aşaraq avtomobillərə və infrastruktur obyektlərinə təhlükə yaradıb.
Bakı Şəhər İcra Hakimiyyətindən daxil olan məlumata görə, təbii hadisə nəticəsində paytaxt ərazisində ümumilikdə 41 ağac tamamilə sınıb, 64 ağacın isə budaqları qırılaraq yerə düşüb.
Hazırda şəhərin kommunal xidmətləri gücləndirilmiş iş rejimində fəaliyyət göstərir. Fəsadların aradan qaldırılması, yollara və səkilərə düşmüş ağac qırıqlarının təmizlənməsi istiqamətində təxirəsalınmaz tədbirlər görülür.
Səlahiyyətlilər vətəndaşları küləkli hava şəraitində ehtiyatlı olmağa, avtomobillərini ağacların və reklam lövhələrinin yaxınlığında saxlamamağa çağırır. Xoşbəxtlikdən, hadisələr nəticəsində xəsarət alanlar barədə hələlik rəsmi məlumat verilməyib.
