Azərbaycan Qida Təhlükəsizliyi Agentliyi (AQTA) yas mərasimindəki qida məhsullarının laborator müayinəyə təqdim edildiyini açıqlayıb.
Azərbaycan Qida Təhlükəsizliyi Agentliyi (AQTA) yas mərasimindəki qida məhsullarının laborator müayinəyə təqdim edildiyini açıqlayıb.
Gəncədə yas mərasimində kütləvi zəhərlənmə: AQTA araşdırmalara başlayıbGəncə şəhərində keçirilən yas mərasimlərinin birində kütləvi qida zəhərlənməsi faktı qeydə alınıb.
Hadisə ilə bağlı Azərbaycan Respublikasının Qida Təhlükəsizliyi Agentliyi (AQTA) dərhal hərəkətə keçib. Agentliyin Gəncə-Daşkəsən regional bölməsinin əməkdaşları tərəfindən müvafiq araşdırmalar aparılır.
Laborator müayinələr davam edir
Zəhərlənmənin dəqiq səbəblərini müəyyənləşdirmək məqsədilə mərasimdə təqdim olunan, məişət şəraitində hazırlanmış qida məhsullarından nümunələr götürülərək laborator müayinəyə təqdim edilib. Hazırda agentlik mütəxəssisləri tərəfindən müvafiq tədbirlər görülür.
Son 3 gündə ikinci hal
Qeyd edək ki, bu, Gəncə şəhərində son üç gün ərzində qeydə alınan ikinci kütləvi qida zəhərlənməsi hadisəsidir. Daha əvvəl şəhərin Atatürk prospektində yerləşən ünvanlardan birində keçirilən yas mərasimində iştirak edən 8 sakin də qida zəhərlənməsi ilə xəstəxanaya müraciət etmişdi.
Həkimlərin verdiyi ilkin məlumata görə, zəhərlənən şəxslərin vəziyyəti hazırda qənaətbəxşdir və onların müalicəsi davam etdirilir. Agentlik əhalini yay mövsümündə isti hava şəraitini nəzərə alaraq, qida təhlükəsizliyi qaydalarına ciddi riayət etməyə çağırıb.
