Türkmənistan Prezidenti Sərdar Berdiməhəmmədov Azərbaycana dövlət səfərinə gəlib
Türkmənistan Prezidenti Sərdar Berdiməhəmmədov Azərbaycana dövlət səfərinə gəlib
Bu gün Türkmənistan Prezidenti Sərdar Berdiməhəmmədov Azərbaycana dövlət səfərinə gəlib.
Bakının Heydər Əliyev Beynəlxalq Aeroportunda ali qonağın qarşılanma mərasimi keçirilib.
Səfər çərçivəsində iki ölkə arasında strateji tərəfdaşlığın daha da dərinləşdirilməsi, enerji, nəqliyyat-logistika, ticarət və humanitar sahələrdə əməkdaşlığın perspektivlərinin müzakirəsi nəzərdə tutulur.
Görüşlərdə Azərbaycan ilə Türkmənistan arasında dostluq və qardaşlıq münasibətlərinin möhkəmləndirilməsi, regional təhlükəsizlik və sabitlik məsələləri, eləcə də qarşılıqlı maraq doğuran digər mövzular ətrafında geniş fikir mübadiləsi aparılacaq.
Dövlət başçılarının təkbətək və geniş tərkibdə görüşləri, həmçinin səfər yekunları üzrə bir sıra ikitərəfli sənədlərin imzalanması gözlənilir.
Bu səfər Azərbaycan-Türkmənistan əlaqələrinin yeni inkişaf mərhələsinə qədəm qoymasına mühüm töhfə verəcək.
Fatma Təvəkgül qızı
