Bakıda ilk dəfə Azərbaycan-ABŞ İqtisadi Dialoqu keçiriləcək

31/05/2026 - 11:31

Bakı Enerji Həftəsi çərçivəsində iyunun 2-də paytaxtımızda mühüm tədbir – Azərbaycan və ABŞ hökumətləri arasında ilk İqtisadi Dialoq təşkil olunacaq.

Azərbaycan Respublikası İqtisadiyyat Nazirliyi və ABŞ Dövlət Departamentinin birgə təşkilatçılığı ilə keçiriləcək bu tədbir iki ölkə arasında Strateji Tərəfdaşlıq haqqında Xartiyanın müddəalarına əsaslanır.

İqtisadi Dialoqun əsas məqsədi Azərbaycan və Amerika Birləşmiş Ştatları arasında iqtisadi əməkdaşlığın perspektivlərini müzakirə etmək, qarşılıqlı investisiya imkanlarını dəyərləndirmək və tərəfdaşlıq münasibətlərini yeni mərhələyə daşımaqdan ibarətdir.

Tədbirin Bakı Enerji Həftəsi ilə eyni vaxta təsadüf etməsi, enerji sektoru ilə yanaşı, qeyri-neft sektoru və digər sahələrdə də əlaqələrin genişləndirilməsi üçün geniş imkanlar yaradacaq.

Əvvəlki məqalə