Fransa səmasında gərgin anlar: Rusiya qırıcıları hava məkanını pozdu
- 30 May, 2026
Fransa səmasında gərgin anlar: Rusiya qırıcıları hava məkanını pozdu – Hərbi aviasiya havaya qaldırıldı
Fransa hava məkanında növbəti təhlükəsizlik insidenti qeydə alınıb. Beynəlxalq suları keçərək Fransa sərhədlərinə yaxınlaşan Rusiya hərbi təyyarələri ölkənin hava məkanına daxil olaraq gərginliyə səbəb olub.
Məlumata görə, Fransa Hərbi Hava Qüvvələri dərhal "həyəcan" siqnalı ilə hərəkətə keçib. Rusiya qırıcılarının təhlükəli manevrlərinə cavab olaraq, bölgəyə dərhal Fransa qırıcıları göndərilib. Pilotların peşəkar müdaxiləsi nəticəsində təxribatın qarşısı alınıb və Rusiya təyyarələri Fransa hava məkanını tərk etməyə məcbur edilib.
Fransa Müdafiə Nazirliyi hadisəni "qəbuledilməz" adlandıraraq, bunu beynəlxalq aviasiya qaydalarının və dövlət sərhədlərinin kobud şəkildə pozulması kimi qiymətləndirib. Rəsmi Paris bildirib ki, Fransa öz hava məkanının toxunulmazlığını qorumaq üçün hər cür tədbiri görməyə davam edəcək.
Xatırladaq ki, son vaxtlar NATO və Rusiya arasında hava məkanında baş verən bu tip insidentlərin sayı artıb. Analitiklər bu addımları Rusiyanın Qərb ölkələrinə qarşı hərbi təzyiq siyasətinin tərkib hissəsi kimi dəyərləndirirlər.
Fatma Təvəkgülqızı
Şərh yaz
Xanaları doldurun*
Axtarış
Xəbərlər
Awesome News & Blog Theme For Your Next Project
Buy Now
